ქუთაისი ქრისტეს შობამდე 1400 წლით ადრე დაარსდა და ის მსოფლიოს ერთ-ერთი უძველესი ქალაქია. იგი საოცარი იუმორის, სითბოსა და სიყვარულის ადგილია. ამას ამბობს ყველა, ვისაც აქ ერთხელ მაინც უმოგზაურია.ქუთაისსა და მის შემოგარენში ადამიანი ქვედა პალეოლითის ხანიდან ცხოვრობდა. აქ აღმოჩენილია დინოზავრის ნაკვალევი და „ოქროს საწმისის“ მაძიებელი „არგონავტების“ კვალიც კი ამ ქალაქში მოდის.
საუკუნეების განმავლობაში ქუთაისი ქვეყნის კულტურული და პოლიტიკური ცენტრი იყო, VIII საუკუნიდან XI საუკუნემდე კი - საქართველოს დედაქალაქი.
სახელი „ქუთაისი“ სამი სიტყვისგან შედგება: ქვა, მთა და ისი - ქალაქი ქვასა და მთას შორის. განსხვავებულ ეპოქებში მას სხვადასხვა სახელით მოიხსენიებდნენ - აია, ქუთაია და ქუთათისიუმი.